Godt nyttår med carpaccio av røykt laks!

Carpaccio er ein klassikar frå Italia, og har etterkvart blitt eit omgrep for matretter med tynne skiver av rått kjøt eller rå fisk.  Denne gode retten er nemleg oppkalla etter malaren Vittore Carpaccio og blei første gong servert på Harry’s Bar i Venezia.

Originaloppskrifta til carpaccio var tynne skiver av kalvefilet, men røyk laks er ein umerka variant av originalen.  Carpaccio passar godt som forrett eller som ein del av eit tapasbord eller koldtbordet for eksempel til nyttår. «Buon appetito» på italiensk og ønske om eit godt nytt år!

RØYKT LAKS: Røkt laks og avokado carpaccio. Foto: Aina Hole, Norges sjømatråd. 

Ingrediensar (4 porsj)

200 g røykt laks

2 lime

1 ss olivenolje

2 avokado

dill

pepar

 

Framgangsmåte

Skjer røykt laks i tynne skiver, legg dei flatt i ein djup tallerken. Bland olivenolje med safta av ein lime og smaksett med pepar. Slå blandinga over lakseskivene, dekk over med plastfolie og la det stå i kjøleskapet i ca ein time.

I mellomtida deler du avokadoen i tynne skiver. Legg dei på eit fat og slå over limesaft fra 1 lime, for å unngå at avokadokjøtet skal bli mørkt. Fordel marinert røykt laks og skiva avokado på eit serveringsfat, eller i porsjonar på tallerkenar.

Pynt serveringa med eit lett dryss dill, og server retten avkjølt som forrett eller til aperitiff.

 

Steikt juletorsk med rabbestappe, rosenkål og baconfeitt

Norsk julemat handlar om tradisjonar,  geografi og kva type mat ein før fekk tak i til jul.  Til jul skulle det vere den beste maten ein kunne få tak i som svineribbe, pinnekjøtt, lutefisk og juletorsk, men også kveite, kjøtmølje og risgraut var og er vanleg.

Å ete fersk torsk til jul er typisk for Sørlandet, men om ein les boka «Den gamle sunnmørsjula» (Brunstad & Pettersen) finn ein at det også var viktig med fersk fisk til jul på våre trakter. Boka fortel at i fjordbygdene på sunnmøre var stor skam for den husbonden klarte å skaffe fersk fisk til jul.

I dag kan vi kjøpe torsk i butikken fersk og frosen, og det er fiska for oss. For å lage torsk «julete» handlar det om kva som er til, som til dømes i helgas juleoppskrift med rabbestappe, rosenkål og bacon. Nyt den gode julematen, også vil eg ønske alle mine lesarar ei fredfylt og god julehøgtid!

TORSK: Steikt juletorsk med rabbestappe, rosenkål og baconfeitt. Foto: Aina Hole, Norges sjømatråd.

Ingrediensar (4 pers)

800 g torskefilet

2 ss smør

 

Rotmos

1 kg kålrot

2 stk gulrot

1 stk sellerirot

1 dl kremfløte

3 ss smør

2 ts salt

½ ts pepar

½ klementin

 

250 g bacon i terningar

100 g smør

 

300 g rosenkål

2 ss smør

2 ss brunt sukker

 

12 stk mandelpotet

Framgangsmåte

Skrell og skjer rotgrønsakene i terningar og kok dei møre i lettsalta vatn. Sil av vantet og mos grønsakene til ei grov stappe. Ha i smør, spe inn fløyten og smak til med salt og pepar. Steik baconbitar i smør på lav varme til baconet er gjennomsteikt. Reinsk og del rosenkål i to og steik dei møre i smør i steikepanna Tilsett sukker og steik videre medan du vender på rosenkålen til sukkeret har smelta. Del torskefileten i passe porsjonsstykke og steik dei i litt smør i panna i ca. fem minutt på kvar side.

Server retten med kokte mandelpoteter til.

Rømmesild med peparrot er godt julepålegg

Oppkutta spekesild eller kryddersild blandast i ulike sausar, eddik eller løk og leggast på glas til jul. Å lage sildepålegg er for mange like viktig som å bake julekaker. På NRK sine nettsider lanserer dei sju sildeslaga slik: Sennepsild, Tomatsild, Stoltenbergs sildesalat, Sild med balsamico, Kryddersild lag-på-lag i porsjonsglas og Sildefjøl med egg, potetsalat, raudbetar og raudløk.

Å lage ulike sildesalatar er både ein hyggeleg og nyttig aktivitet ein kan gjere saman i adventstida og det blir fort julestemning på ein sildeverkstad. Resultata gir både ei ypparleg anledning til å prøvesmake julepålegget med godt brød til, og å lage nokre ekstra glas som kan vere julegåve.

Sildesalatar kan ein også brukast til fleire høve som på tapasbordet, til forrett eller til julefrukosten. Peparrot saman med sild gjer salaten spenstig og frisk, og husk at «av sild blir du snild» - det kan lønne seg no i førjulstida!

SILD: Rømmesild med peparrot er godt julepålegg. Foto: Tove Lise Mossestad, Norges sjømatråd.

Ingrediensar (4 porsj)

500 g kryddersildfilet

3 dl seterrømme

15 cm peparrot

1 ss sennep

salt

Topping

1 grønt eple

4 reddikar

1 raudløk

 

Server med:

Grovt knekkebrød, grov brød eller rugbrød

Framgangsmåte

Del silda opp i bitar. Riv peparrota på eit fint rivjern. Bland rømme, reven peparot, sennep, eddik og salt. Bland inn sildebitane.

Topping

Kutt eplet og reddik i fine strimlar. Kutt raudløk i tynne skiver, og bland saman med eple og reddik.

Topp retten med reddik, eple og løk-blandinga. Server med godt brød til.

 

Tips: Smak på silda før du startar på retten. Er den veldig salt, kan du legge silda i vatn i 2 timar. Dersom den er perfekt salta, kan du berre skylle den.

Lutefisk med grøne linser og sennepssaus

Lutefisksesongen er i gong og det er klart for lutefiskkalas, for lutefisken kan føre oss saman i festlege lag no før jul. Lutefisk er ein viktig del av norsk mattradisjon og identitet. Utvandra nordmenn i Amerika har tatt med seg retten, så den er svært populær i visse delar av USA også.

Linser er i mange matkulturar ei basisråvare og i Norge er bruken av linser aukande. Det er ikkje så merkeleg fordi linser er rimelege, allsidige og anvendelege i alt fra salatar til gryterettar. I tillegg er dei rike på protein og milde og gode på smak.

Tradisjonelt vert det servert erterstuing eller ertepuré til lutefisk, men helgas oppskrift har ein spennande vri på tilbehøyret. Sunne, gode og berekraftige grøne linser og med sennepssaus til er dette eit utmerka alternativ til lutefisk og kanskje ein ny favoritt til jul?

 

LUTEFISK: Lutefisk med grøne linser og sennepssaus. Foto: Aina Hole, Norges Sjømatråd.

Ingrediensar til 4 porsjonar

2 kg lutefisk

3 ss salt

 

Linser

2 dl grøne linser

½ sjalottløk

2 dl vatn

75 g bacon

salt og pepar

 

Sennepssaus

2,5 dl fløyte

2,5 dl mjølk

30 g smelta smør

2 ss kveitemjøl

salt

2 ss dijonsennep

2 ss sterk og søt sennep

1 ss worcestershiresaus

1 sitron

50 g smør

salt og hvit pepar

 

Server med

Mandelpotet

Framgangsmåte

Sett steikeomnen på 175 °C. Skjer lutefisk i porsjonsstykke og dryss salt på kjøtsida. La den ligge i romtemperatur i ein time. Vatnet vil trekke ut, så ha stykka i ei langpanne med kantar. Slå av vatnet og skyl lutefisken i kaldt vatn, for å fjerne saltet. Legg lutefisken i ei langpanne med skinnsida ned og dekk med aluminiumsfolie. Sett den i steikeomnen og la den stå til den er ferdig, ca. 40 minutt.

Linser

Kok linsene møre med hakka sjalottløk i ca. 20-25 minutt og sil av overflødig vatn. Skjer bacon i terningar og sprøsteik det. Bland baconterningar med linser og løk.

Sennepssaus

Varm opp fløte og mjølk, det skal ikkje koke. Bland smelta smør og kveitemjøl og litt salt til jamning. Rett før oppkok av fløytemjølka blander du inn jamninga. La det koke nokre minutt medan du rører kraftig med ein visp. Sil sausen over i ein annan kasserolle. Tilsett sennep, sterk og søt og dijon, worcestersaus, og safta av ein sitron. Rør inn smør for å gjere sausen ekstra glatt og velsmakande.

Smak til med salt og pepar.

Server lutefisken med linser, sennepssaus og kokte mandelpoteter.

Tips: Dersom du vil ha fast lutefisk dryss over salt og la lutefisken stå kjølig eit par timar. Slå av vatnet som trekkast ut og skyll deretter lutefisken i kaldt vatn.

 

 

 

 

Ein smak av India med enkel fiskecurry

Karri er eit av dei mest vanlege krydderblandingane i verda og stammar frå dei indiske kjøkkenet, men ordet karri er tamilsk og betyr rett og slett saus. Karri er fantastisk godt består av mange aromatiske krydder som; kanel, kardemomme, spisskum, muskat, ingefær, pepar, gurkemeie, koriander, allehånde og sennepsfrø.

Krydderbruken i det indiske kjøkken er omfattande og det vert sagt at kvar indiske familie har sin eigen karri. Til sterk karri vert det ofte servert Raita, den indiske slektningen til gresk tzatsiki. Raita er ein frisk og kjølande yoghurt saus, som er rask å lage.

Gurkemeie i karrien gir ekstra sting og nydeleg gylden farge på sausen. Styrken på sausen kan ein justere med for eksempel meir chili. Fisk og karri er ein svært god smakskombinasjon, og er du glad i litt «hot» mat er denne fiskegryta perfekt!

INDIA: Ein smak av India med enkel fiskecurry. Foto: Marianne Aaronsen, Norges sjømatråd.

Ingrediensar (4 porsj).

600 g torskefilet

150 g paprika

½ raud chili

1 glas indisk saus

½  potte frisk koriander

½ lime

 

Raita

½ agurk

3 dl naturell yoghurt

½ ts malt spisskummen

2 ss frisk mynte

1 ss limesaft

salt og pepar

 

Karrisaus

2 fedd finhakka kvitløk

1 gul løk

2 cm fersk riven ingefær

3 ss tomatpuré

3 ss raud curry paste

2 dl kokosmjølk

2 dl gresk yoghurt

 

Framgangsmåte

Sett omnen på 185C. Ha sausen i ei eldfast form og legg i paprika i skåre i strimler og hakka chili. Du kan enten bruke ferdig saus du kjøper på butikken (tikka eller korma), eller lage ein enkel raud karrisaus. Legg på torsk eller laks skåre i passande bitar, og steik det i omnen i ca. 20 minutt.

Raita:

Riv agurken på rivjern. Bland saman alle ingrediensane og smak til med salt og pepar.

Enkel raud karrisaus:

Finhakk løk, kvitløk og ingefær og fres det i litt olje i panna. Ha i karripasta og tomatpuré og steik det videre. Ha i kokosmjølk og yoghurt og la det koke i nokre minutt, smak til med salt og pepar. Ønsker du ein tynnare saus, spe med litt vatn.

Servering:

Ha over grovhakka koriander og ein skvis lime. Server med nanbrød, raita og kokt ris.

 

 

 

Spagetti med reker og pikant fennikel

Pastarettar er noko av det vi et oftast til middag i Norge og grunnen til det er nok at det er både godt og relativt kjapt å lage til. Pasta er spesielt godt saman med sjømat, og med gode grønsaker til vert middagen sunn og at vi får i oss mange gode næringsstoff som vi treng.

Fennikel er ein litt artig grønsak og tidlegare var den mest kjent som krydderplante i Asia og rundt Middelhavet, men etterkvart begynte ein også å nytte den som grønsak. Smaken kan minne om lakris eller anis og fennikel gir spesielt sjømat ein god og pikant smak.

I helgas sjømatoppskrift står det at du skal lage kraft av reker og av rekeskal får du ei fantastisk kraft som kan brukast til både fiskesupper, gryter eller sausar. Det er viktig at det ikkje kokar krafta for lenge og ikkje meir enn 30 minutt, kraft til overs kan frysast. Dette smakar så godt, bon appétit!

REKER: Spagetti med reker og pikant fennikel. Foto: Marianne Aaronsen, Norges Sjømatråd.

 Ingrediensar (4 pers)

800 g reker med skal

400 g spagetti

1 fennikel

1 raud paprika

2 fedd kvitløk

½ ss tomatpuré

2 ts frisk eller tørka timian

salt og pepar

olivenolje

 

Server med

Riven parmesan og ferske bagettar

 

Framgangsmåte

Reinsk rekene og legg skalet til side. Kok spagetti etter oppskrifta på pakken. Fres rekeskalet i olivenolje, slå på vatn så det akkurat dekker rekeskalet, og kok i 20-30 minutt utan lok. Sil av rekekrafta og kok inn til ca. 2 dl veske. Skjer fennikel og paprika i tynne skiver, og finhakk kvitløk.

Fres fennikel, paprika og kvitløk i olivenolje, tilsett rekekrafta og rør inn tomatpuré. La sausen småkoke i ca. 5 minutt, og smak til med timian, salt og pepar. Tilsett reker og spagetti rett før servering.

Server spagettiretten med riven parmesan og ferske bagettar.

Russiske Blinis med røykt laks

Blini er russiske pannekaker med lange tradisjonar. Til forskjell til norske pannekaker hevast blini med gjær. Det finnast mange oppskrifter på blini, men med bokkveite eller byggmjøl i deiga får ein ganske grove blini som passar godt til både rømme, rogn og røykelaks.

Tradisjonelt serverast blini med rogn og smetana  eit tradisjonelt meieriprodukt som minner om crème fraîche, men rømme eller norsk crème fraîche er gode alternativ. I helgas oppskrift er crème fraîche smakt til med peparrot og sitron og dei heile er toppa med røykt laks.

Blini er perfekt til forrett, tapas eller snacks. Den russiske forfatteren Aleksandr Kuprin skreiv at «Blini er eit symbol på sol, vakre dagar, gode avlingar, lukkelege ekteskap og sunne barn».  Det lovar kanskje mykje, men det er kanskje verdt forsøket? Ha ei god helg!

RØYKT LAKS: Russiske Blinis med røykt laks. Foto: Studio Dreyer+Hensley, Norges sjømatråd.

Ingrediensar (4 porsj)

200 g røykt laks

20 stk blinis

4 små reddiker

2 dl crème fraîche

1 ss peparrot

1 ss sitronsaft

2 ss frisk kruspersille

salt og pepar

Fremgangsmåte

Lag blinis etter eigen oppskrift eller kjøp ferdige. Riv pepperrot og finhakk persille. Rør saman med créme fraîche og sitronsaft til peparrotkremen, smak til med salt og pepar. Skjer reddikane i tynne skiver. Skjer laksen i passande bitar. Dandér blinisen med peparotkrem, røykt laks, ei skive reddik og topp med urter.

 

Dragemaki sushi med torsk

Dragemaki er ein rålekker sushi toppa med avocado. Avocado i tynne skiver på toppen smakar verkeleg godt og kjennes ut som silke i munnen, sjølv om ein ikkje er stor fan av avocado. Helgas sushioppskrift med fylt med torsk og grønsaker og struttar av sunnheit frå innerst til ytterst!

Det er ein vanleg misforståing at all sushi inneheld eller består av rå fisk. Sushi kan også frityrsteikast (tempura) eller varmebehandlast lett slik som i helgas oppskrift. Den viktigaste ingrediensen i sushi er nemleg risen som skal smake lett syrleg av eddik, salt og sukker, for sushi betyr marinert ris.

Sushi er både enkelt og gøy å lage til. Inviter gjerne venner til sushifredag og lag sushi saman. Prøv gjerne fleire sortar som maki, nigiri, drakemaki og sashimi, det er sosialt, sunt og veldig godt!

SUSHI: Dragemaki sushi med torsk. Foto: Marianne Aaronsen, Norges Sjømatråd.

 

Ingrediensar 4 pers.

120 g skinn og beinfri torskefilet

1 ts sukker

2 ts salt

5 ss riseddik

6 dl sushiris

8 dl vatn

4 ss agurk

2 ss vårløk

2 ts solsikkeolje

2 ss soyasaus

2 ts sesamolje

1 ark nori-sjøgras

1 avokado

bambusmatte

plastfolie

Server med

soyasaus

wasabi

sylta ingefær

Fremgangsmåte

Bland sukker, salt og riseddik i ei lita kasserolle, og kok forsiktig opp under røring. Når sukker og salt er oppløyst, er rismarinaden ferdig. Avkjøl marinaden før bruk. Kok ris slik framgangsmåten i oppskrifta på sushirisen forklarar, eller følg rettleiinga på pakken. Ha risen over i en rein langpanne, tilsett litt av marinaden og vend forsiktig inn. Risen må ikkje bli for fuktig, prøv deg derfor fram med litt om gangen. Avkjøl risen i romtemperatur. Skjer torskefileten i to på langs, og strimle agurk og vårløk. Ha solsikkeolje i ei varm steikepanne og steik torsken i 30 sekund på ei side, ta panna av varmen og snu fisken. Tilsett soyasaus og sesamolje, og la alt varmes saman. Ta ut fisken og slå over sausen.

Del noriarket i to. Dekk bambusmatta med plastfolie. Bland vatn med litt riseddik, og fukt hendene lett slik at risen ikkje kleber. Legg eit halvt noriark på bambusmatta med den ruglete sida opp, fordel eit lag ris utover heile arket og snu slik at risen ligger ned. Fordel torsk, agurk og vårløk langs den neste kanten av arket. Rull saman ved hjelp av bambusmatta. Skjer avokado i tynne skiver, og legg disse på rullen slik at dei overlappar kvarandre. Press rullen lett saman. Skjer kvar rull i to, og så videre i to og to til du har fått åtte bitar.

Server med soyasaus, wasabi og sylta ingefær.

Torsk i omn er enkel og god kvardagsmiddag

Frosen fisk er utmerka til middagsmat. Når matekspertar skal smake forskjellen på frosen og fersk fiskefilet som er laga til, klarer dei ofte ikkje å skilje mellom desse. Dette tyder på god kvalitet når det er berre nyansar i skilnad på smak og utsjånad. Dette har sjølvsagt med god fryseteknikk å gjere, for mykje av fisken vår er frosen på i fabrikktrålar rett etter fangst, nemleg «frozen at sea».

Fisk er super kvardagsmat og med enkle rettar med kort tillagingsstid gjer det lettare å ta gode fiskeval i kvardagen. Dagens torskerett går fort å lage, er smakfull og du kan gjere din eigen twist ved å bruke dei grønsaker du har i kjøleskapet, bruke frosne grønsaker, lage eigen kvitsaus eller bruke kjøpepakke. Visste du at fryst fisk er akkurat like sunt som fersk fisk? God middag!

TORSK: Torsk i omn er enkel og god kvardagsmiddag. Foto: Studio Dreyer- Hensley, Norges Sjømatråd.

Ingrediensar (4 porsjonar)

800g torskefilet, utan skinn og bein

1 purreløk

2 stilkselleri

2 gulrot

5 dl vatn

12 cherrytomat

kvitsaus

100 g riven ost

salt og pepar

frisk timian

Server med:

Potet

Fremgangsmåte

Sett steikeomnen på 180 °C. Skjer torsken i serveringsstykke. Skjer purre og stangselleri i bitar, og gulrot i terningar. Kok opp vatn og kok grønsakene i 2 minutt. Slå av vatnet, og legg grønsakene og cherrytomatane over i ei smurt eldfast form. Legg torskestykka over grønnsakene og dryss over litt salt, pepar og timian. Slå sausen over fisken. Her kan du velge selv om du vil lage en enkel kvitsaus eller bruke ein pose du har kjøpt på butikken. Strø over ost, og steik retten i stekeomn i ca. 15 minutt. Server med kokt potet.

Tips: Du kan også bruke ferdig grønnsaksblanding. Brukar du fryst blanding bør den vere halvtint før du har den i forma.

 

 

Sommar på tallerkenen med grilla sei i folie

August er her og sommaren er på hell, men det er ingen grunn til å rydde vekk grillen enda. Kvardagen har også kome tilbake for dei fleste, og fisk er alltid eit godt val til middag også når det nærmar seg helg. Det er så mykje spennande å lage til og ein enkel seifilet kan bli festmat.

Seifilet er billig og god mat. Ingenting er meir sunnmørsk enn å tine seg ein blokkfryst eller singelfrosen seifilet for å ha til middag. Husk berre å tine fileten tildekt i kjøleskap over natta eller i kaldt vatn med emballasje på ca. 20-30 minutt. Fisken kan med fordel kan vere litt frosen i midten når du skal lage den til, resultatet blir gjerne saftigare.

Sei er ein mager fisk med perlegrått fiskekjøt og den litt distinkte smaken passar godt til sterke smakar. Helgas oppskrift har gode smakar av urter, chili og sitrongras og er ypparleg på grillen. Saman med grilla nypoteter skapar sei sommar på tallerkenen!

SEI: Sommar på tallerkenen med grilla sei i folie. Foto: Synøve Dreyer, Norges Sjømatråd.

 

Ingrediensar (4 porsjonar)

1 kg seifilet, utan skinn og bein

2 ts salt

500 g nypotet

1 ts korianderfrø

1 lime

1 raud chili

1 stk sitrongress

2 ss frisk mynte

2 ss honning

2 ss frisk koriander

olje

aluminiumsfolie

 

Salat

1 salat

2 dl frisk bladpersille

1 raudløk

1 agurk

2 eple

 

Dressing

50 g hasselnøter

3 ss honning

6 ss eplecidereddik

6 ss olivenolje

salt

grovmalt pepar

sesamolje

 

Framgangsmåte

Dryss salt på seifileten og la den kvile i ca. 10 minutt. Kok nypotet til dei er nesten møre, avkjøl og skjer dei i tjukke skiver. Legg seien på eit stykke aluminiumsfolie smurt med olje og dryss over korianderfrø. Riv skal og press saft av lime, finhakk chili, sitrongras og mynte. Bland skal og saft av lime med chili, sitrongras og mynte, og smør blandinga over seien. Brett aluminiumsfolien rundt seien og grill den ca. 15 minutt, under lok dersom grillen har det. Pensle potetene med litt olje og grill dei på begge sider. Opne aluminiumsfolien med sei og dryss finhakka koriander over før servering.

Salat

Riv salat og grovhakk bladpersille. Finhakk raudløk, og skjær agurk og eple i terningar.

Dressing

Grovhakk hasselnøtter, og bland med honning, eplecidereddik og olivenolje. Smak til dressingen med salt, pepar og litt sesamolje. Bland dressingen forsiktig inn i salaten.

Server grilla sei og potet med salaten ved sidan av.

Korianderstekte kamskjel med søtpotetpuré

Kamskjel er ei delikatesse og fiskeriet er rekna som godt forvalta. Kamskjel fangast nemleg kunn ved dykking i Norge, og dermed har fisket liten eller ingen negativ effekt på miljøet.

Du kan hauste kamskjel sjølv, då er det viktig å vite kva området som er opne og lukka for hausting av levande kamskjel. Dette kan du sjekke på www.mattilsynet.no

Kamskjel er raskt og lett å lage og passar godt saman sterke smakar. Helgas rett er krydra med korianderfrø og steikt i kvitløk og chili, dette gir ein frisk, litt sterk og god aromatisk smak. Denne porsjonen kan brukast som ein lett forrett eller som gode snackgrillspyd rett frå grillen!

KAMSKJEL: Korianderstekte kamskjel med søtpotetpuré. Foto: Marianne Aaronsen, Norges sjømatråd

Ingrediensar (4 porsj)

8 stk kamskjel

 

Korianderolje

½  potte frisk koriander

2, 5 dl solsikkeolje

1 ss korianderfrø

1 fedd kvitløk

1 stk raud chili

salt og pepar

smør

olje

trespyd

lime

 

Potetpuré

450 g søtpotet

150 g smør

2 fedd kvitløk

salt og pepar

 

Framgangsmåte

Brukar du ferske kamskjel startar du med å opne og reinske skjela. Fryste kamskjel legg du i ein bolle, let dei tine i kjøleskap og renne av seg på tørkepapir. Lag rutemønster på eine sida med ein skarp kniv slik at kamskjelmuskelen skal bli jamt og fint steikt.

Korianderolje

Ha koriander i ein hurtigmiksar. Slå på olje i ein stråle. Køyr til ei glatt jamn saus, ca. 2 minutt. Oljen kan oppbevarast på tett flaske i kjøleskap opptil 3 veker. Rist korianderfrø i tørr panne på sterk varme for å få fram meir smak. Knus i morter eller krydderkvern. Krydre kamskjela med korianderfrø, salt og pepar. Finhakk kvitløk og chili. Varm smør og litt olje i ei panne, og tilsett kvitløk og chili når smøret er lysebrunt. Steik kamskjela gylne i ca. 30 sekund på kvar side, ikkje lenger, da blir dei seige. Aus smør over under steikinga. Tre to kamskjellog ein båt lime på kvart grillspyd.

Potetpuré

Skrell søtpotet og skjer vekk den bitre hinna under skalet. Skjer i terningar og kok dei møre i litt vatn. Slå alt over i eit dørslag og la det renne godt av seg. Smelt ca. ein tredel av smøret i ein kjele og tilsett finhakka kvitløk. Tilsett søtpoteten og mos jamn. Ha i resten av smøret og smak til med salt og pepar. Hald puréen varm til servering. Server grillspyd med litt korianderolje over og med søtpotetpuré ved sidan av. Pynt gjerne med frisk koriander.

Tips: Du kan også steike kamskjela raskt over grillen på grillspyda.

 

Makrellsalat med rømmedressing smakar sommar

Når makrellen trekk mot norskekysten veit vi at sommaren er her, for det er makrell som er sommarfisken framfor alle. Makrell vandrar i store gigantstimar og med sine svartblå striper langs ryggen og kvit buk, skyt den gjennom vatnet i rakettfart. Makrellen er populær å fiske, for kjem du til ein stim nappar det jamt og trutt!

Når du skal filetere makrell, lagar du eit snitt frå nakken og like bak sidefinnen og ned langs bukfinnen. Skjer forsiktig til kniven treff ryggbeinet. Legg kniven ned i snittet, og før kniven langs med ryggbeinet mot halen. Før kniven heilt ut, slik at fileten slepp. Snu makrellen og gjenta fileteringa på den andre sida.

Fjern dei lange beina som sitt nederst på fileten, ned mot bukhola. Beina som sit som ei stripe midt i fileten gjer vi ikkje noko med, for då vil hele fileten gå i oppløysing. Ofte er disse beina så tynne at dei kan etast. Dersom du likevel ønsker å fjerne dei, så er dette enklast etter at makrellfileten er steikt. Skyl makrellfiletane forsiktig i kaldt vann og tørk dei godt før grilling. Nysteik makrell oppi salat med rømmedressing smakar herlig sommar!

MAKRELL: Makrellsalat med rømmedressing smakar sommar. Foto: Studio Dreyer- Hensley, Norges Sjømatråd.

Ingrediensar (4 porsjonar)

600 g makrellfilet

12 cherrytomat

24 asparges

4 ss rapsolje

salt og pepar

Salat

1 raudløk

16 skiver parmesan

130 g feltsalat 

Rømmedressing

2 skiver sylteagurk

1 ss dill

½ sitron

6 ss lettrømme

1 ss majones

½ ts pepar

Servast med

Brød

Framgangsmåte

Varm opp grillen. Skjer makrellfilet i bitar. Pensle makrellbitane, cherrytomatar og asparges med rapsolje, og krydre med salt og pepar. Ha alt på grillen og snu jamt i ca. 2 minutt. La cherrytomat og asparges ligge på kvilerist eller i eit område av grillen der det er lågare temperatur.

Salat

Skjer raudløk i strimlar og parmesanost i skiver med ein ostehøvel. Bland det saman i ein salatbolle med feltsalat. Ha makrell, cherrytomatane og asparges i salaten, og bland forsiktig saman.

Rømmedressing

Finhakk sylteagurk og dill, og press saften av sitron. Rør det godt saman med lettrømme, majones og pepar.

Server salat med makrell, rømmedressing og godt brød.

Tips: Dersom du ikkje har grill kan du fint steike makrell og grønsaker i steikepanne, gjerne i ei grillpanne.

 

Sommar er tid for skaldyrlag!

Vekas aller beste dag er fredag og no midt i ferien er det kjekt å invitere til skaldyrlag. Reker, sjøkreps og krabber er lett og fin sommarmat som dei fleste likar, det er både populært og lite tidkrevjande.

Ferske reker skal lukte friskt og ha eit hardt og blankt skal utan misfarging og intakte følehorn. Er følehorna knekt har rekene vore frosne. Frosne reker er heilt supert, men må tinast langsamt i kjøleskap eller nokre timar i romtemperatur på kjøkkenbenken. Størrelsen på reker angir kor mange reker det går på ein kilo, og flotte reker bør vere str 60 – 80 store, eller str 50-70 ekstra store.

Den enklaste måten å servere både reker, sjøkreps og kabbe på er heilt naturell. Det trengs ikkje fancy tilbehøyr for å lykkast, for godt brød, salat, majones, sitron er meir enn nok. Om du vil gjere litt ekstra kan du lage heimelaga aïoli, som er ein kviløksmajones frå middelhavet. Ei godt smurt loffskive overfylt med skaldyr og toppa med heimelaga aïoli og frisk dill, det er smaken av sommar!

SKALDYRLAG: Sommar er tid for skaldyrlag! Foto: Marianne Aaronsen, Norges Sjømatråd.

Ingrediensar til skaldyrlag

Reker, 400- 500 g per pers

Sjøkreps, minst ein til kvar

Krabbe, eit skjel til kvar

Majones eller heimelaga aïoli

Salat

Smør

Loff

Sitron

Dill

 

Heimelaga aïloi (ca. ½ l)

4 eggeplomme

1 ss sitronsaft eller vineddik

1 ts dijonsennep eller anna sennep

2 båtar pressa kvitløk

4 dl nøytral matolje

¼ ts salt

¼ ts pepar

 

Framgangsmåte

Bruk ein bolle som ikkje er for stor og vid og ein god visp. Ein hurtigmiksar er også fin å bruke. Visp eggeplommer og salt til dei er lyse og tjukke. Bland inn krydder og kvitløk, og halvparten av sitronsaft/eddik. Spe forsiktig med oljen medan du fortset å vispe - ei teskei om gangen er nok. Auk etter kvart mengda olje. Pass på at aïolien heile tida er glatt og blank. Blir den for tykk kan du justere konsistensen med litt vatn. Smak til med krydder og sitron/eddik. Synes du aïolien smakar for mykje egg, kan du fortsette å spe inn meir olje.

Ferdig aïoli skal vere så tjukk at den held fasongen.

 

Grilla tørrfisk med tomat, oliven og sprøtt surdeigsbrød

Tørrfisk er usalta fisk som er naturleg tørka av sol og vind på hjell, ofte i nord-norge og spesielt i Lofoten frå februar til mai. Norge har ei lang historisk til knyting til tørrfisk. Det er vår eldste handelsvare for eksport til mellom anna Italia.

Tørre fakta om tørrfisk: Den italienske handelsmannen Pietro Querini som forliste utanfor Røst i 1432, tok med seg tørrfisken til Italia då han vende heim. Slik blei han ein viktig ambassadør for eksportvara. Ein god tørrfisk har eit vassinnhald på mellom 14 og 16 prosent.

Tørrfisk av god kvalitet treng å vatnast ut lenge, kanskje opptil 10 dagar. Når tørrfisken bløytast er den å rekne for ferskvare, og må stå kaldt under 4 grader. Det enklaste er å kjøpe gryteklar tørrfisk, då kan du bruke råvara med ein gong, for dette er ei delikatesse i Italia. Bon appétit!

TØRRFISK: Grilla tørrfisk med tomat, oliven og sprøtt surdeigsbrød. Foto: Mats Dreyer, Norges Sjømatråd.

Ingrediensar (4 porsjonar)

600 g utvatna og reinska tørrfisk

3 fedd kvitløk

1 potte frisk timian

3 stk sjalottløk

1 boks hermetiske tomatar

10 cherrytomat

3 dl olivenolje

8 grøne oliven

8 skiver surdeigsbrød

1 potte fisk basilikum

Salt

 

Framgangsmåte

Grilla tørrfisk

Kutt den utvatna tørrfisken i porsjonar på ca. 150 gram. Forvarm grillpanne eller grill. Pensle fisken med olivenolje. Krydrast med litt maldonsalt og sitronzest (raspa sitronskal). Grillast i ca. 3 minutt på kvar side. Tørrfisken kvilast litt før den anrettast.

Sprøtt surdeigsbrød

Skjer tynne skiver av brødet. Penslast med litt olivenolje før det leggast på smurde brett eller bakepapir i omnen. Steikast gylden på 175 grader i ca. 5-7 minutt.

Tomatsaus

Skrell kvitløk og sjalottløk som kuttast i tynne skiver. Finkutt grøn oliven. Løken fresast i olivenolje til den er gylden. Slå på hakka tomatar, samt resten av olivenoljen. Skru ned temperaturen og la tomatsausen putre i nokre minutt før du griller tørrfisken.

Legg opp i djup skål med tomatsaus i botnen. Legg på den grilla tørrfisken. Skjer tynne skiver av cherrytomatar. Pyntast med fersk basilikum og sprøtt surdeigsbrød.

 

Bacalao à Lagareiro med knuste poteter er god sommarmat!

Bacalao à Lagareiro er ein tradisjonell portugisisk klippfiskrett med knuste poteter og grønsaker. Originalt er retten basert på blekksprut, olivenolje, poteter, grelos og kvitløk, men i nyare oppskrifter av denne retten som ein finn på internett viser at det mest vanlege no er å bruke klippfisk.

Lagareiro betyr eigaren av olivenoljepressa, og lagareiro er brukt som ein kokemetode der ein generøst ausar extra virgin olivenolje over fisken under grilling eller steiking. Retten er så akta og fin at den ofte vert servert på julaftan i Portugal.

 Ein litt salt klippfiskrett er nydeleg her i Norge om sommaren. Denne retten kan nytast saman med venner og familie, for vi både kan og treng å vere ilag no. Enten du er på camping, i båten, på hytta, på standa eller heime i hagen, ta vare på matgleda i sommar!

 

KLIPPFISK: Bacalao à Lagareiro med knuste poteter er god sommarmat! Foto: Studio Dreyer Hensley, Norges Sjømatråd.

Ingrediensar (4 porsjonar)

800 g klippfisk loin med skinn og ryggbein

1 laurbærblad

8 fedd kvitløk

2 dl extra virgin olivenolje

Knuste poteter

800 g små poteter med skal

1 sjalottløk

½ dl olivenolje

salt

 

Grønsaker

200 g spinat

50 g sjalottløk

5 cm raud chili

1 ss sitronsaft

fersk, riven ingefær

frisk koriander

 

Framgangsmåte

Legg klippfisken på eitt brett, slå over halvparten av olivenoljen og topp bitane med kvitløksfedd og laurbærblad. Sett brettet i omnen på 220 grader i 15-20 minutt.  Aus over litt olivenolje undervegs slik at den held seg saftig og får ein fin farge. 

Knuste poteter:

Kok småpoteter med skal i 10 minutt. Slå av vatnet og bake dei ferdig i omn eller på grillen. 

Snu dei seinare i panne med steikt løk og kvitløk og gi dei ein dytt med handa slik at dei knusast og tek opp den gode smaken. 

Frest spinat:

Frese strimler sjalottløk og chili i olivenolje. Tilsett spinat og salt og fres i 40 sekund.  Dryss over litt sitron, riven ingefær og litt hakka koriander. 

Raud curry med laks er superrask sommarmiddag!

Sommardagane ligg framfor oss, og vi har fått ein aldeles nydeleg start på juni med høgtrykk og sol. På slike dagar fristar det lite med lang matlagingstid inne ved kjøkkenbenken, så det er no vi må plukke fram dei enkle og raske middagsrettane.

Fisk er rask mat å lage til, fordi ein kan kjøpe ferdige skinn og beinfrie filetar både ferske og frosne. Fiskefiletar tinar fort i kjøleskapet eller etter ein time eller to på kjøkkenbenken. Fisk krev kort varmebehandlingstid, og på kjøpet er det mager mat med ei mengd gode næringsstoff i.

Å ete fisk er ein av dei beste kosthaldsvanane ein kan ha, og rådet frå Helsedirektoratet er framleis å velgje fisk til middag 2- 3 gongar per veke. Er du ute etter ein god og rask og middag, prøv superraske raud curry med laks. Retten passar like godt på sommarmenyen som til ein perfekt kvardagsmiddag!

LAKS: Raud curry med laks er superrask sommarmiddag! Foto: Studio Dreyer + Hensley, Norges Sjømatråd.

 Ingrediensar (3-4 porsj)

 

600 g laksefilet, utan skinn og bein

3 ts raus curry paste

olje

2 vårlauk

1 raud paprika

10 sukkererter

4 dl kokosmjølk

½ terning fiskebuljong

lime

frisk koriander

 

Framgangsmåte

Skjer fisken i terningar. Strimle vårlauken og skjer paprika og sukkererter i stavar.

Varm ei gryte med litt olje og fres raud curry paste. Tilset kokosmjølk og fiskebuljong og kok opp.

Tilsett fisk og grønsaker og la trekke til fisken er ferdig i ca. 5 minutt. Server med ris eller nudler, lime og koriander