Nyttår med røykelakstartar med avokado og rosèpepar

Årets siste dag nærmar seg, og vi skal takke for det gamle og ønske det nye velkommen. Nyttårsaftan ofte ein lystig festdag der ein feirar med familien eller slår seg laus med vener, og mange stadar samlast ein for å sjå på fyrverkeri saman. Det kan vi også gjere for første gong i Ørsta i år, og det vert nok fint å sjå på!

Visste du at fyrverkeri var oppfunne i Kina, og at denne nyttårstradisjonen spreidde raskt til andre kulturar og samfunn. Kinesarane trudde fyrverkeri kunne skremme vekk vonde ånder og bringe hell og lykke til det nye året. Det var først på 1800- talet at ein kunne sjå fyrverkeri med fargar, fordi ein då kunne å nytte ulike metalliske salt for å variere på fargen på elden.

Laksetarar er også ein fin farge eksplosjon, som kan brukast som eit frisk innslag på nyttårstapasbordet. Laksetarar med avokado og rosèpepar er enkel å lage, og er også ypparleg å servere til forrett før sjølve nyttårsmiddagen! Godt nytt år til alle mine lesarar!

RØYKT LAKS: Nyttår med røykelakstartar med avokado og rosèpepar. Foto: Aina Hole. Norges sjømatråd

Ingrediensar (6 porsjonar)

200 g røykt laks

2 ss frisk dill

1 sitron

2 ts rosépepar

1 avokado

 

Framgangsmåte

Grovhakk laksen med ein kniv. Bland laksen med dill og knust rosépepar. Dekk til og set i kjøleskapet og lat det stå natta over. Neste dag skjer du avokadoen i terningar og dryss sitronsaft over. Bland forsiktig saman med laksen og server kjøleg, gjerne i små glas.

 

Hyllingssong til lutefisken

Lutefisk er ein akta og elska rett, og for oss som minnast tidlegare utanrikskorrespondent i NRK og sjefredaktør i Dagbladet Jan Otto Johansen (1934-2018), var han ikkje minst kjent som lutefiskens førsteelskar. Han ga i 1997 ut boka «Lutefisk - tradisjon, tilbereding og tilbehør» og i epilogen fann eg denne vakre hyllingssongen, som berre må delast:

O lutefisk, vi bøyer oss

For kongen iblant og spiser.

Den skjelv av mykt belutret liv

fortjener alle priser.

Hvert år vi venter like spent

med vann i munn og håpet tent.

O lutefisk, din frelste flokk

ærbødighet deg viser.

 

O lutefisk, sublime sol

hvor finnes vel din mage?

Vi lader Wien sin wurst i fred

og Rom sin pizza bage.

Må svensken ha sin sure sild

og dansken spise hvad han vil.

Med deg servert på vårt bord

Vi intet andet smage.

 

O lutefisk, celestial

celebritet, deslige.

Om duft av deg til himlen når,

misundes jorderige.

I bad av gyldens baconfedt

tilsamman med en hvit potet.

Du fryder oss så himmelsk at

all jordisk lyst må vige.

(Tekst: Oscar Kvåle, Mel: O`Tannenbaum)

LUTEFISK: Lutefisk med kvit saus til jul. Foto: Aina Hole, Norges sjømatråd.

Ingrediensar (4 pers)

2 kg lutefisk

2 ss salt

4 skiver bacon

 

Kvit saus

3 ss smør

3 ss kveitemjøl

4 dl mjølk

½ ts salt

8 stk heil pepar

3 stk heil allehånde

4 stk nellikspiker

1 ss smør

1 dl fiskekraft

 

Ertestuing

1 stk sjalottløk

400 g frosne erter

 

Server med

potet

sennep

 

Framgangsmåte

Set steikeomnen på 200 °C. Del opp lutefisken i serveringsstykke og legg dei i ei langpanne med skinnsida ned. Drys over salt og dekk langpanna med aluminiumsfolie. Steik lutefiskstykka i steikeomnen i ca. 30 minutt. Steik bacon i ei tørr panne.

Kvit saus

Smelt smør og rør inn kveitemjølet. Spe på litt og litt mjølk, og tilsett salt, heil svart pepar, allehånde og nellikspiker. La sausen koke i ca. 5 minutt. Sil sausen, og tilsett smør og fiskekraft til sausen får ein fin konsistens.

Erter

Surr finhakka sjalottløk i smør og tilsett erter. La ertene surre i ca. 2 minutt slik at dei blir gjennomvarme.

Server lutefisk med steikt bacon, kvit saus, erter, kokt potet og sennep.

Tips:

Dersom du vil ha fast lutefisk, dryss salt over og la lutefisken stå kjølig eit par timer. Slå av vatnet som trekkast ut og skyl deretter lutefisken i kaldt vatn.

 

Imponer gjestane med laksemousse og agurk i glas

Advent er jula si førebuingstid og viste du at det latinske namnet Adventus Domini betyr Herrens ankomst eller komme? Fiolett er advent sin farge og i denne mørketida tenner vi lys i adventskrans og vindauge, og ungane tel ned dagane fram til jul.

Advent er også tida der ein kan samle kollega, vener eller familie til førjulsselskap og kjekk prøvesmaking av både julemat- og drikke, det er slett ikkje uvanleg i dag!

Dersom du skal ha juleselskap enten før eller i jula, kan du kanskje prøve ut ein ny forrett? Denne nydelig krema laksemousse av røykt laks med agurk servert i små glas er ein forrett det er lett å imponere med. Laksmoussen kan lagast i god tid før gjestene kjem slik at du kan ta den rett fra kjøleskapet og servere. Ha ei fin førjulstid!

RØYKT LAKS: Imponer gjestane med laksemousse og agurk i glas. Foto: Aina Hole, Norges sjømatråd.

Ingrediensar (4 pers)

200 g røykt laks

½ agurk

2 ½ dl fløyte

1 ts sitronsaft

1 ts kvitvinseddik

1 eggekvite

2 ss frisk bladpersille

pepar

rømme

 

Framgangsmåte

Bland røykt laks, fløyte, sitronsaft, kvitvinseddik og grovhakka bladpersille i ein kjøkenmaskin til du får en jamn krem. Ha laksekremen i ein bolle og tilsett salt og pepar etter smak. Rør godt. Pisk eggekviten stiv med ein elektrisk miksar og snu den forsiktig inn i laksekremen for å få ein luftig og lett mousse.

Fordel laksemoussen i små glas. Vask agurken, del den i to og fjern kjernen med ei skei før du skjer den opp i små terningar. Legg agurkterningar og laksemousse lagvis i glasa. Sett glasa i kjøleskap fram til dei skal etast. Pynt glasa med laksemousse med rømme og litt persille, og server kjølig som ein forrett eller til aperitiff.

Tips: server laksemousse i glas saman med ein liten sprø kjeks for meir crunch, eller oppå ein kjeks som snacks. Dersom du ønsker ein mildare laksemousse kan du bytte ut deler av røykelaksen med fersk rå laks.

Fiskebollesupper er super mat for store og små!

 

Eg har jobba med Fiskesprell i mange år. Det er eit nasjonalt kosthaldsprogram der formålet er å legge til rette for at barn og unge og vaksne skal både like og å velje å ete meir fisk. Dette gjer ein ved å lage gode sjømatrettar saman, og ein kan sjå på det som ein del av folkehelsearbeidet i Norge.

Fiskesprell har eit rikt utval på gode oppskrifter som skal vere med på å skape sjømatglede og gjere at sjømat vert eit naturleg val i kvardagen, både i barnehagen, i mat og helse faget på skulen og heime.

Ein av mine favorittoppskrifter er fiskebollesuppe og blant «småkokkane» som har vore med på å lage og ete denne suppa, blir den raskt ein soleklar favoritt. Basen i suppa har ein mild karrismak med fint kutta fiskbollebitar oppi, toppa med sprø sukkererter. Både store og små vil digge denne!

FISKEBOLLAR: Fiskebollesupper er super mat for store og små! Foto: Studio Dreyer + Hensley.

   

Ingrediensar til 4 porsjonar

300 g fiskebollar

1 stk sjalottløk

2 stk gulrot

1 stk eple

3 ss smør

1 ts karri

2 ss kveitemjøl

1 dl matfløyte

fiskebollekraft

vatn

salt

 

Server med

10 stk sukkererter

 

Framgangsmåte

Skjer fiskebollar i mindre bitar. Finhakk sjalottløk, og skjer gulrot og eple i små terningar. Ha smør i ein kasserolle og fres sjalottløken blank. Tilsett karri og la det surre i 2-3 minutt. Drys over kveitemjøl og bland godt. Spe på med krafta til fiskebollane og vatn, og rør til du har ei jamn suppe. Ha i gulrot og la sukka koke i 2-3 minutt. Tilsett eplebitar, gi suppen eit oppkok, og ha i matfløyte og fiskebollar.

Smak til med salt og karri. Server suppa med strimla sukkererter dryssa over.

Tips: Til 4 porsjonar trenger du ca. 5-6 dl veske av fiskebollekraft og vatn.

 

Omnsbakt sei med smørsaus og spisskål

Å bake fisk i omnen er enklare enn du trur, dessutan smakar fisken betre som bakt og tillaginga krev lite oppvask. I denne retten er berre steikepanna i bruk i tillegg til ei eldfast form som rommar både grønsaker, saus og fisk.

Haustens rotgrønsaker er smakfulle og passar godt kombinert med fisk. Har du ikkje smakt på spisskål denne hausten, så anbefala eg å prøve. Spisskålen er laust knytt med saftige blad, er mild i smaken og den er utruleg god smørdampa. 

Det står i oppskrifta at du skal ringle over honning og olivenolje, det betyr «å slynge i ring eller spiralar, helle, dyppe i sirklar» over alt det gode på toppen av retten til slutt. Denne retten må nytast!

 

SEI: Omnsbakt sei med smørsaus og spisskål. Foto: Studio Dreyer+Hensley. Norges Sjømatråd.

Ingrediensar

800 g beinfri seifilet

1 ss salt

2 fedd kvitløk

1 ss smør

200 g gulrot

200 g rotgrønsaker

1 stk spisskål

½ ts grovmala pepar

1 timiankvist

2 ss olivenolje

2 ts akasiehonning

smør

 

Smørsaus

200 g smør

2 ss soyasaus

Pepar

 

Server med potet

Framgangsmåte

Sett steikeomnen på 180 °C. Skjer seien i serveringsstykke, dryss salt over og la dei ligge i 7 minutt. 

Skyl saltet av og tørk seien lett med tørkepapir. Skjer gulrot og rotgrønsaker på langs og ha i ei eldfast form saman med timian. Her kan du bruke dei rotgrønsakene du ønsker, for eksempel betar eller potet. Ringle over honning og olivenolje. Set grønsakene i omnen og sjekk etter 10 minutt om dei har begynt å bli møre. Når dei nærmar seg gjennomsteikte, kan du sette seien inn i omnen. Legg seien i ei smurt eldfast form, dryss pepar over og legg på skiver av kvitløk og smør. Steik i steikeomnen i ca. 10 minutt. Skjer kål i båtar, og steik i smør.

Saus

Smelt smør til det blir nøttebrunt, men ikkje brent. Smak til med litt soyasaus og pepar.

Server omnsbakt skrei med spisskål, rotgrønsaker og bruna smør. Pynt med timian. Om du ønsker, kan du servere med kokte poteter.

 

 

Sursøte reker i lune wraps

Ein wrap er ein matrett laga med eit mjukt flatt brød rulla rundt eit fyll. Dei vanlege flate brøda er kveitetortilla, lavash (usyrna brød) eller pita.

Wraps kan fylle innehalde med kaldt oppskore kjøt, kylling, fisk eller reker, strimla salat, terningar av tomat, agurk, mango eller  guacamole, bacon, ost og ein saus som rømme, salsa, sursøt saus eller honningsennep på toppen. Ver kreativ!

Reker kan brukast til så mangt og i helgas oppskrift er det sursøte reker «tulla inn» saman med salat i lune tortillawraps. Det er ikkje berre enkelt, det smakar også digg!

REKER: Sursøte reker i lune wraps. Foto: Studio Dreyer+Hensley, Norges sjømatråd.

Ingrediensar (4 porsjonar)

400 g reker, utan skall

4 ss sursøt saus

8 tortillalefser

1 raudløk

1 raud chili

2 avokado

2 hjertesalat

1 mango

½ agurk

1 lime

salt og pepar

 

Framgangsmåte

Bland sursøt saus med rekene og set til side. Varm tortillawraps etter anvisninga på pakken. Finhakk raudløk og chili, skjer avokado i terningar og salat i strimlar. Kutt opp mango og agurk. Bland salatingrediensane saman, press over saft av lime, og smak til med salt og pepar. Fordel salatblandinga og rekene over i lune tortillawraps. Server reketaco med riven ost dryssa over om du ønsker.

Tips: Du kan gjerne bruke fryste, ferdigpilla reker i denne oppskrifta.

 

Eit snev av India med omnsbakt sei med grøne linser

Det indiske kjøkkenet er like stort og variert som heile landet, men felles for maten er dei fantastiske kryddera og den gode smaken. Garam masala er ei indisk krydderblanding som kan variere frå familie til familie, men innhaldet er som regel: svart pepar, chilipepar, koriander, spisskum, kardemomme, kanel, muskat og nellik.

Grøne linser er god erstatning for potet og pasta, det er smart å bløytlegge dei ein times tid, då blir linsene større og vert raskare kokt. Garam masala på seifilet er eksotisk, smakfullt og veldig godt. Saman med grøne liser og yoghurt får denne retten absolutte eit snev av India. Velbekomme!

 

SEI: Eit snev av India med omnsbakt sei med grøne linser. Foto: Alf Børjesson, Norges sjømatråd.

Ingrediensar (4 porsjonar)

700 g seifilet, utan skinn og bein

1 ss olivenolje

2 ts salt

2 ts garam masala

 

Linser

175 g grøne linser

1 fedd kvitløk

½ sitron

½ ts salt

 

Mynteyoghurt

2 dl naturell yoghurt

1 kvist frisk mynte

1 kvist frisk bladpersille

 

Framgangsmåte

Sett steikeomnen på 225 °C. Skjer sei i serveringsstykke, drypp over olivenolje, og dryss på salt og garam masala. Legg seistykka på bakepapir på steikebrett og bak dem på øvste rille i steikeomnen til dei er gjennomsteikte og lett brune på toppen, ca. 10 minutt.

Linser

Kok linsene møre i usalta vatn i ca. 15-20 minutt. Sil kokevatnet av. Finhakk kvitløk og press safta av sitron. Rør kvitløk og sitron saman med linsene, og smak til med salt.

Mynteyoghurt

Finhakk mynte og bladpersille, og rør inn i yoghurten.

Server den omnsbakte seien med linser og mynteyoghurt ved sidan av.

 

 

Pastasalat med reker er enkel og rask å lage!

Visste du at vår eigen Karen Warholm har blitt ambassadør for Norges Sjømatråd og at pastasalat med reker ein av hans favorittar! For Karsten som spring fort over hekkane er sjømat ein naturleg del av kosthaldet og no er han med på å spreie entusiasme rundt sjømat.

Her kjem nokre praktiske tips til korleis du kan inkludere meir fisk og sjømat når du planlegg vekas middagar:

1)      Spontanhandling gir ofte mindre smarte val, så planlegg familien sin vekemeny.

2)     Husk at fiskekaker, fiskepinnar, fiskebollar og fiskegrateng også er fiskemiddagar.

3)     Prøv nye rettar og smakar og som du likar, kanskje du finn ein ny favoritt?

 

Bonusen med å ete meir fisk er at det totale kosthaldet ditt blir sunnare, fordi fisk er ei god kjelde for mange viktige næringsstoff som mellom anna sunt feitt, smart protein og jod. Prøv denne pastasalaten med reker, som blir ekstra smakfull med din eigen tomatpesto!

REKER: Pastasalat med reker er enkel og rask å lage! Foto: Studio Dreyer+Hensley, Norges sjømatråd.

Ingrediensar (4 porsj)

300 g reker utan skal

500 g pasta

2 dl ruccolasalat

12 stk cherrytomat

2 ss raudløk

 

Tomatpesto

2 fedd kvitløk

100 g soltørka tomat

2 ss pinjekjerner

2 ss parmesan

1 dl olivenolje

 

Fremgangsmåte

Tomatpesto

Køyr saman alle ingrediensane til pestoen i ein foodprosessor eller med stavmiksar til ein jamn mos.

 

Pastasalat

Kok pasta etter anvisning på pakken. Finhakk raudløk og del cherrytomatane i båtar.

Bland sammen reker, pasta, raudløk, cherrytomat, ruccolasalat og tomatpesto, og server.

 

Asiatisk peparkrabbe med sriracha-saus

Peparkrabbe er eigentleg ein spesialitet frå Singapore og har du sansen for asiatiske smakar er dette noko for deg også. Krabbeklørne i denne retten er altså «spicy» med både srirscha-saus og pepar, og den er til og med veldig enkel å lage til.

Sriracha er sterk chilisaus frå Thailand som du kan bruke til det meste som pasta, sausar, supper og sjømat. Kokkar svergar til heimelaga srirscha- saus, så denne sausen han du lage sjølv, men du finn han også i butikken.

Eit tips kan vere å lage ekstra store porsjon av peparkrabbe og legge fram ein stor bunke med serviettar når den skal etast, for dette er både grisete og rågodt!

KRABBE: Foto: Asiatisk peparkrabbe med sriracha-saus. Hitra krabbe, Norges sjømatråd.

Ingrediensar (4 porsj)

4 kg krabbeklør

1,5 dl soyasaus

4 ss honning

4 ss black pepper sauce

40 heil svart pepar

8 båtar lime

2 limesaft

4 sjalottløk

6 vårløk

olje

 

Sriracha-saus

8 ss majones

2 ts sriracha

 

Fremgangsmåte

Kakk sprekker i krabbeklørne slik at du kjem til krabbekjøtet. Ha olje og løk i ei varm steikepanne. Tilsett soyasaus, honning og black pepper sauce. Varm til det tjuknar. Tilsett krabbe og limebåtar og vend inn i blandinga. La putre til krabben er varm. Rist svart pepar i panna og mal den i morter. Ha på, saman med vårløk, til slutt. Server med rista godt brød og Shriracha-saus.

 

Legg omnsbakt laks og torsk inn på vekemenyen

Sommaren er på hell og den gode kvardagen er her med jobb og skulestart. No er det tid for å lage gode kvardagsrutinar og mitt beste råd er å lage ein vekeplan for middag.

Når ein planlegg middag med eit stort innkjøp per veke sparer ein både tid og pengar. Med god planlegging slepp ein også å bruke energi på: «Ååå… kva skal eg lage til middag..» -tankar, ein unngår impulshandling, ein kan gjere sunnare val og kan redusere matsvinn.

Ein vekeplan kan vere på papir eller digitalt og det finnast app’ ar sjølvsagt. Mitt råd er at vekeplanen er synleg slik at alle i familien kan sjå vekeplanen og dermed er budde på «kva som er på menyen», dette kan hindre overraskingar og sure miner.

Tips: Søndagskveld kan vere ein fin planleggingsdag, då kan du handle på måndag eller den vekedagen som passar best for deg. Hald også ein dag open til bruk av restar, og når du lagt inn fisk 2-3 gongar i veka et familien sunt! Omnsbakt laks og torsk med pommes frites er ein rask og supert middag for travle familiar, lykke til med middagsplanlegginga!

LAKS OG TORSK: Legg omnsbakt laks og torsk inn på vekemenyen. Foto: Synøve Dreyer, Norges sjømatråd.

Ingrediensar (4 porsjonar)

300 g laksefilet, utan skinn og bein

300 g torskefilet, utan skinn og be

400 g grønsaksblanding

400 g pommes frites

3 dl sursøt saus

salt og pepar

Framgangsmåte

Set steikeomnen på 180 °C. Skjer fiskefiletane i like store stykke. Ha grønsaker og pommes frites i en smurt eldfast form og dryss over litt salt og pepar. Legg fisk over grønsakene og dryss over litt salt og pepar. Steik til fisk, grønsaker og pommes frites er ferdig, ca. 15 minutt. Server med sursøt saus og dryss over litt finhakka grasløk om du har det.

Tips:

Om du ønsker ein meir sprø pommes frites kan du gjerne steike den for seg sjølv, etter rettleiinga på pakken.

Pasta med krabbe på haustmenyen

Haustmørket kjem sigande, men det er framleis fint å sitte ute å ete om kveldane. Det kan vere kjekt med fyr i bålpanna og stearinlys på bordet då vert det fin stemning kring måltidet.

Krabbe er ei nydeleg råvare og no når hausten nærmar seg er den full av mat, det er fordi krabbene bygg seg opp gjennom sommaren for å samle energilager til vårens gyting. Det er akkurat dette som gjer dei proppfulle av deilig, saftig kjøt. Krabbekjøttet magert og godt, og ikkje minst svært smakfullt.

Eit godt tips er å ta vare på skalet av krabbene, det kan nemleg danne krafta til ei god skaldyrsuppe. Om du ikkje har tid til å lage krafta med det same, kan du fryse skala ned og ta dei opp ved behov. Pasta med krabbe er rask, enkel og veldig god middag! 

KRABBE: Pasta med krabbe på haustmenyen. Foto: Krabbe.no, Norges Sjømatråd.

Ingrediensar (4 porsjonar)

4 pors pasta

2 stk krabbe

2  raud chili

5 fedd kvitløk

2 ss kapers

1 lime

2 dl extra virgin olivenolje

3 ss frisk kruspersille

salt og pepar

 

Framgangsmåte

Kok pasta etter anvisning på pakken. Kjør chili, kvitløk, safta av lime og halvparten av olivenoljen i ein blender til ein fin paste. Rør inn kutta kapers, hakka persille, kvitt krabbekjøt og resten av oljen. Smak til med salt og pepar. Sil av pastaen og bland inn halvparten av krabbeblandinga. Legg opp porsjonar og bruk resten av krabbeblandinga til topping. Pynt gjerne med litt hakka persille.

 

Makrellsandwich på japansk vis

«Saba sando» er namnet på denne lekkerbisken, som er makrellsandwich på japansk vis. Har du sett på makan til innbydande smørbrød? Kanskje er det den vakre og etande stemorsblomsten som er prikken over i ‘en?

Tenk at makrell har blitt japanarane sitt sunne svar på pølse i brød. Når svolten gneg, stikk japanarane gjerne innom ein kiosk for å kjøpe ferdigmarinert makrell. For dei som har litt betre tid går turen innom ein etestad for ein makrellsandwich eller «saba sando».

Nyt smaken av Japan og 良い食欲 ,  Yoi shokuyoku eller god apetitt!

MAKRELL: Makrellsandwich på japansk vis. Foto: Tom Haga, Norges Sjømatråd.

Ingrediensar (4 porsjonar)

4 makrellfilet

2 gulrot

4 salatblad

4 focacciabrød

salt og pepar

steikeolje

 

Jamaikansk BBQ-saus

1 boks grovhakka hermetiske tomatar

2 ss kvitløkspulver

1 ss løkpulver

¼ ts cayennepulver

½ ss habanero pulver (sterkt chilipulver)

1 ss karri

1 ss paprikapulver

1 ss sennepspulver

1 ts salt

1 ts pepar

2 ss sitronsaft

6 ss eplecidereddik

 

Fremgangsmåte

Habaneropulveret kan reduserast eller utelatast om du ikkje er glad i sterk saus. Mariner makrellfiletane i BBQ-sausen i ca. 15 minutt. Rasp gulrøtene på eit rivjarn. Vask og tørk salatblada.

Du kan bruke den brødtypen du likar, det treng ikkje vere focacciabrød. Bruk gjerne surdeigsbrød eller bagett. Del brødet i to. Eventuelt kan du lage fire sandwich av brødskiver. Grill eller steik den ferdigmarinerte makrellen med skinnet på, helst til skinnet blir sprøtt og crispy. Pensle med litt ekstra marinade under grilling/steiking, ved behov. Gi gjerne brødet ein lett omgang på grillen/ i steikepanna også. Legg fisk og grønsaker inne i sandwichen og nyt en smak av Japan.

Sommarlett Poke bowl med laks

Om sommaren er det godt med friske, lette rettar som er raske å lage. Poke bowl er nettopp ein slik rett, og kan beskrivast som ein fiskesalat frå Hawaii.

Poke bowl betyr «ingrediensar kutta i bitar og lagt i ein bolle» og basisen består av ris og ulike grønsaker ved sidan av rå fisk. Sausen oppå er essensiell og kan vere til dømes  wasabi-majones eller ponzosaus.

Visste du at Poke bowl er restmat som vart trendy gatemat? Eit godt tips er at Poke bowls er ein ypparleg måte å bruke opp grønsaker du har liggande i kjøleskapet. Her kan du lage din eigen variant med dine favoritt-grønsaker. Har du ikkje prøvd dette enda, er det på tide!

 

LAKS: Sommarlett Poke bowl med laks. Foto: Studio Dreyer+ Hensley, Norges sjømatråd.

Ingrediensar (4 porsj)

500 g laksefilet, utan skinn og bein

4 pors ris

2 mango

2 avokadoer

1 granateple

10 sukkererter

1 lime

Frisk koriander

Saus

4 ss soyasaus, lys

2 ss sesamolje

2 ss sesamfrø

½ ss chilisaus

Fremgangsmåte

Kok ris etter instruksjonane på pakken. Du kan sjølv velgje kva type ris du vil bruke. Avkjøl risen.  Kutt laks i små terningar. Bland saman soyasaus, sesamolje, sesamfrø og chilisaus, slå over lakseterningane. Kutt mango, sukkererter og agurk i terningar, og avokado i skiver. Reinsk granateple og ta ut frøa. Legg risen nest i ein bolle. Topp med grønsaker og laks. Ha koriander og litt limesaft over til slutt. Server med ein limebåt og soyasaus til.

Grilla klippfisk er himmelsk godt!

Sommar er grillsesong og om det enten er sol eller regn passar det alltid å grille. Klippfisk er perfekt for grillen og denne tradisjonsrike råvara kan varierast i det uendelege med både tilbehøyr og marinadar.

Vil du imponere dine sommargjestar må du prøve denne lekre retten. Grilla klippfisk saman med sitron, timian, tomatsalat, spagetti av squash, nypotet med ramsløk og bruna smørsaus, vil gjestane garantert forsyne seg fleire gongar! Rett og slett nydeleg!

Grilla klippfisk er himmelsk godt! Foto: Eirik Nilssen, Norges sjømatråd.

Ingrediensar til 4 porsjonar:

600 g utvatna klippfiskloin

2 sitronar

1 potte timian

olivenolje

salt

Squash spaghetti

1 squash

1 glass ørretrogn

1 lime

olivenolje

salt

Tomatsalat

400 g cherrytomatar

1 potte basilikum

Potet

500 g små poteter med skal

1 bunt ramsløkblad*

1 dl solsikkeolje

1 dl olivenolje

salt

Bruna smør

1 pk smør

1 dl kapers

1 potte bladpersille

1 sitron

salt og pepar

 

Framgangsmåte

Pensle klippfiskloin med olivenolje. Krydrast med salt og kverna pepar. Grill deretter klippfisken med «skinnsida» ned på høg varme i ca. 10 minutt. Del sitronen i to, grillast med snittsida ned. Snu fisken, skru ned varmen og pensle over med meir god olivenolje. Dekk så med fersk timian, og eit lett dryss maldonsalt. Grill tørrfiskloinen i 5 minutt til fisken flakar seg. Fiske er ferdig ved ca. 50-55 grader. Legg fisken over på eit serveringsfat, skvis godt over med den grilla sitronen og server med følgande tilbehøyr:

Squash spagetti

Vask squashen godt. Kutt tynne strimlar med mandolin eller ein skarp kniv. Fjern kjerna til squashen. Kutt så i tynne strimlar som spagetti før du smaker opp med maldonsalt, limesaft og olivenolje. Pynt med friske urter og ørretrogn.

Marinerte tomatar med basilikum

Vask og del tomatane i to. Legg dei jamt utover eit serveringsfat. Smak opp med god olivenolje og salt. Pynt og dekk tomatane med frisk basilikum og nokre dråpar sitron.

Gulløyepotet med ramsløk

Vask potetene godt. Kok dei i godt saltet vatn til dei er nesten møre. Lag ein god «paste» av ramsløk*, solsikkeolje, salt og pepar i en blender. Snu ramsløkpasta i dei nykokte potetene og server til den grilla klippfisken. Potetene kan serverast kalde eller lunes lett opp på grillen før servering.

Bruna smør med kapers og persille

Smelt smøret i ein kasserolle til det er heilt nøttebrunt. Ta av smøret fra plata. Tilsett finkutta persille og små kapers. Smak til med litt meir salt og ferskpressa sitronsaft.

*Ramsløk kan erstattast med kvitløk, bladpersille eller grasløk

Hot fiskesuppe gir varme i kroppen!

Det er skikkeleg sunnmørssommar ute. Det er regn med lavt skydekke og skodde som heng langt nedi fjella, temperaturen er på pluss-minus 14 grader. Uff, slik er det her ved kysten mellom fjord og fjell, men når sola atter skin og varmen kjem, så er alt gløymt!

Når det er litt hustrig  ute, kan det vere godt med noko som smakar skikkeleg. Helgas fiskesuppe er slett ikkje kjedeleg og smaklaus! Suppa er hot (sterk) og gir eit smakseksplosjon med chili og currypaste, som framhevar den milde torskesmaken godt.

Medan vi ventar på sola, god helg!

SUPPE: Hot fiskesuppe gir varme i kroppen! Foto: Norges sjømatråd.

Ingrediensar (4 porsj)

800 g torskefilet

3 fedd kvitløk

1 småløk

3 cm frisk ingefær

1 raud chili

2 ss olje

4 ss raud curry paste

3 ss smør

½ grøn squash

3 vårløk

2 boksa rkokosmjølk

3 dl kremfløyte

2 ts sukker

2 lime

1 mango

frisk koriander

 

Framgangsmåte

Finhakk løk, kvitløk, chili og ingefær. Surr dette blankt i olje. Tilsett currypaste og smør og rør godt.

Kutt squash og vårløk i bitar la dette surre med i 2 minutt. Tilsett kokosmjølk, fløyte, safta av lime og sukker. Kok opp og la suppa småkoke. Tilsett torsketerningar, kok opp og la torsken trekke i suppa i ca. 5 minutt. Server i skåler og topp med mango og vårløk i bitar og hakka koriander.

Bergensk persetorsk med ertepuré og sidersaus

Persetorsk har fått sin renessanse og er kanskje den einaste tradisjonsretten frå Bergen. Denne ikoniske retten har til og med fått eigen festdag den 28.januar, og dagen blei første gong markert i 2020 under byens 950-års jubileum.

Perse betyr å presse og retten blir laga av ferske fileter av torsk med skinnet på. Filetane blir sukra og salta (grava) og lagt i press i kjøleskap. Presset lagar du til ved å dekke filetane med ei skjerefjøl og å leggje på noko med vekt oppå, som to mjølposar eller ei gryte på toppen.

Bergensarane er så stolte av retten sin og tidlegare var det vanleg med persetorsk å julaftan. I dag kan ein finne persetorsk på mange av byens fine restaurantar. Patriotane er heilt klare i si tale: «Persetorsk er beste fiskeretten dei har ete i heile sine liv!»

TORSK:. Bergensk persetorsk med ertepuré og sidersaus. Foto: Matarena - Smak av kysten, Norges sjømatråd.

Ingrediensar (4 porsjonar)

1 kg torsk, ryggfilet

3 ss salt

3 ss sukker

Ertepuré

1 pose frosne erter,

1 fedd kvitløk

fløyte

salt og pepar

Saus

2 dl eplecider

2 sjalottløk

pepar

200 g usalta smør

Framgangsmåte

Bland salt og sukker som du gnir inn fisken med. Legg fiskestykka mot kvarandre med kjøtsida inn. Legg deretter eit skjerebrett eller ei plate på toppen og legg på 3-5 kg vekt.

Legg kjølig i seks timer før du snur fiskestykka og lat dei ligge i seks timer til. Slå av overflødig væske undervegs slik at fisken ikkje blir for salt. Skyl torsken under rennande vatn i fem til seks minutt. Bak i omnen i sju til ni minutt på 200 grader, til fisken er gjennomsteikt og flakar seg.

Ertepuré

Kok opp vann. Trekk ertene forsiktig saman med kvitløksfedd i eit par minutt. Sil så av vatnet og tilsett litt fløyte, salt og pepar til ertene. Erteblandinga køyrast i ei matmølle til den har fått ein glatt og krema konsistens.

Sidersaus

Kok inn sider, finhakka sjalottløk og pepar til det nesten ikkje er meir væske igjen. Visp så terningar med usalta smør inn i blandinga til det blir ein fyldig smørsaus. Smak til med salt og eventuelle friske urter.

Servering

Server retten med ertepuré og sidersaus. Om du ønsker kan du også ha sprøsteikt bacon og kokt egg til, eller ditt eige favoritt tilbehøyr. Vel bekomme!

 

Inviter på freistande skaldyrfat

Dei aller beste råvarene står seg svært godt aleine slik som reker, hummar, sjøkreps og krabbe. Skaldyr kan nytast gjennom heile året, og er noko av det beste havet kan by på.

Ferske skaldyr med godt tilbehøyr er lett å lage til, og det er lite stress om du vil invitere gjestar. Før gjestane kjem kan du hjelpe dei med å reinske krabben og legge krabbematen tilbake i skalet. Utstyr også gjestane med hummargaffel og nøtteknekkar til krabbeklørne.

Å jobbe for maten med reinsking, skrelling og knekking av skaldyr skaper god og uhøgtidleg stemning. Det kan vere smart å droppe duken på grunn av søl, og heller sørge for å ha skyljebollar med sitronskiver i og rikeleg med serviettar på bordet. God helg!

SKALDYR: Inviter på freistande skaldyrfat. Foto: Studio Dreyer+Hensley, Norges sjømatråd.

Ingrediensar

Reker med skal

hummar

sjøkreps

krabbe

 

Framgangsmåte

Regn ca. 500 g skaldyr per person, og server med tilbehøyr som loff, smør, sitron, lime, majones, aioli og dill.