Grillspyd med laks, kamskjell og spekeskinke

Grillmat er ikkje berre god mat, det er også ei stemning eller ein fest. Sjømat på grillen er sunt å ete og enkelt å lykkast med. Før det første er det proppfullt av sunt fiskefeitt, antioksidantar og vitaminar og du kan kose deg med godt samvit gjennom heile sommaren.  Å lage desse grillspyda krev lite forarbeid.  Laks og kamskjell er faste i fisken og det er enkelt å handtere både før og etter den har vore på grillen, derfor er det lett å lykkast.

Grilltips før grilling: Sørg for rein grill, bruk medium til høg varme og ikkje snu for tidlig. Sjømat på grillspyd steikast fort, så vi snakkar om 2- 3 minutt på kvar side. Grillspyd er lekkert, men for å unngå at grønsakene vert svidde og fisken for lite steikt, så set sjømaten på ein pinne og grønsakene på ein annan. Husk at grillspyd av tre bør ligge i vatn i ca. 30 min først, slik at det ikkje tek fyr når dei kjem på grillen.

Spennande grillspyd med laks, kamskjell og spekeskinke er god mat, spesielt når det er toppa med smakfull viagrette som du har laga sjølv. Du skal ikkje sove bort sumarnatta eller kokkelere vekk sumardagen, vel derfor sjømat på grillen!

SJØMAT PÅ GRILLEN: Grillspyd med laks, kamskjell og spekeskinke. Foto: Norges Sjømatråd, Synøve Dreyer.

Ingrediensar til 4 porsjonar

400 g  laksefilet, utan skinn og bein
16 stk  kamskjell
8 skiver  spekeskinke
2 stk  maiskolbe
2 stk  sitron
8 stk  trespyd
olje

Vinaigrette

2 ss  tomat, soltørka
2 ss  frisk bladpersille
2 dl  olivenolje
1 dl  eplecidereddik
2 ts  dijonsennep 

Framgangsmåte

•  La trespyda ligge i vann i ca. 30 minutt.
•  Skjer laksefileten i jamnstore bitar, like mange som det er kamskjell.
•  Del kvar spekeskinkeskive i to på langs, og surr ein bit rundt kvar laksebit.
•  Tre to kamskjell og to laksebiter på kvart trespyd.
•  Pensle med olje og grill på høg varme, ca. 2 minutt på kvar side.
•  Pensle maiskolbe med olje og grill i et par minutt.
•  Del ein sitron i to og grill lett med snittsida ned. 

Vinaigrette

• Finhakk soltørka tomatar og bladpersille, og ha i eit tomt syltetøyglass med lok saman med dei andre ingrediensane til vinaigretten.
• Rist godt til ein tjukk dressing. Du kan også røre kraftig med ein visp.

Server grillspyda med grilla mais, sitron og vinaigrette ved sidan av. Det smakar også godt med grønsaker og kokte småpotet på grillspyd til. Dette duftar av sjø, grilling og midtsommar!

Sei i form med reker

Sei  er ein fisk i torskefamilien og er ein av våre viktigaste matfiskar. Sei kan bli opptil 120 cm og vege over 20 kg. Langs kysten vår vert ofte sei referert til på grunn av størrelse, på vestlandet kallast småsei for mort og mellomstor sei for pale. Lenger nordover seier ein småsei, stabbsei og storsei for å referere til størrelsen.

Sei er eit heilnorsk naturprodukt og dersom du ikkje har ein hobbyfiksar i familien som dreg garn på sjøen, kan ein kjøpe fersk seifiltet i ferskvaredisken eller fosen seifilet frå frysedisken på butikken.  Seifilet er perlegrå i fiskekjøtet i motsetnad til den kvitare torskefileten, men ved varmebehandling vert fiskekjøtet lyst og delikat. Sei har meir tydligare smak enn torsk og har derfor meir karakteristisk smak enn andre kvite fiskar.

Har du enda ikkje oppdaga den fantastiske seien? Sei har god smak som alle i familien likar, den er tilgjengeleg heile året og billig å kjøpe. I denne helga si oppskrift finn du alle dei beste smakane i ei og same form, sei, reker og grønsaker omnsbakt i ein skaldyrsaus  - kan det blir betre?

SMAKFULL SEI: Sei i form med reker. Foto: Norges Sjømatråd, Synøve Dreyer.

Ingrediensar til 4 porsjonar

600 g  seifilet, utan skinn og bein

500 g  reker, med skall

1 stk  gulrot

1 stk  sjalottlauk

1 ss  smør

1 ss  tomatpuré

1 dl vatn

1 ss sitronsaft

2 dl kremfløyte

3 stilkar timian, frisk

salt og pepar

Framgangsmåte

• Set steikeomen på 200 °C.
• Skjer seien i porsjonsstykke og reinsk rekene. Ta vare på rekeskala.
• Legg seistykka i ei smurt, eldfast form.
• Skjer gulrot og sjalottlauk i små terningar, og fres det i smør til lauken er blank.
• Rør inn rekeskal og tomatpuré, og la det frese eit par minutt.
• Slå på vatn og sitronsaft, og la det koke inn til veska er halvert.
• Tilsett kremfløyte, timianstilkar og la sausen småkoke under lok i 15-20 minutt.
• Sil sausen og klem ut så mykje veske av rekeskala som mogleg.
• Smak til med salt og pepar.
• Slå sausen over seien, dekk til med aluminiumsfolie og bak i steikeomnen i ca. 15 minutt.
• Ta ut forma og ha i rekene dei siste minuttet av steiketida.

Tilbehøret kan varierast i det uendelege, men det smakar godt saman med blanda salat og flatbrød. Du kan også ha fullkornsris eller byggris til, som er eit sunt og godt alternativ.

Omnsbakt torsk med ramslaukpesto

Ramslauk har dei siste åra vorte utruleg populær og den vert ofte kalla Nordens kvitlauk. Ramslauk kan brukast på akkurat same måte som kvitlauk, men smakar noko midt mellom kvitlauk og vårlauk. Alle delane på ramslauken kan brukast, både blomster, blad og stilk og lauk. Blada bør brukast før avblomstring, for dei kan bli for rame på smaken.

Ramslaukblada kan lett forvekslar med liljekonvall som er giftig. Er du i tvil, kan du finne ut av det ut ved å gni blada mellom fingrane og lukte på dei. Ramslauken luktar karakteristisk lauklukt, det har ikkje liljekonvallen. Du kan rett og slett ikkje ta feil.

Ingenting er meir heilnorsk eller typisk sunnmørsk enn torskefilet som er frosen og pakka i kartong frå ein fabrikktrålar og det er viktig å tine fisken rett før bruk. Legg fiskefileten i tett plastfolie eller plastpose og fisken bør takast opp kvelden før bruk og tinast i kjøleskap. Halvtint fisk kan brukast i supper og gryterettar, men dersom du skal steike fisken bør den vere heilt tint for å få eit bra resultat.

Torskefilet smakar ekstra godt smurt med ramslaukpesto og bakt i steikomnen med  kvitlauk, paprika og brokkoli. Ein frisk og fargerik rett  som det smakar vår av!

RAMSLAUKPESTO: Omnsbakt torsk med ramslaupesto. Foto: Norges Sjømatråd,

Esten Borgos.

Ramslaukpesto

200 g ramslauk

2 dl pinjekjerner

50 g parmesan i bitar

2 ts salt

4 dl olivenolje

saft av 1 stk lime

Rist pinjekjernane  i ei tørr steikepanne til dei er fint gyldne, for å få fram endå meir smak. Ha ramslauk, pinjekjerner, parmesan og salt i matmølla. Tilsett limesaft og olje i ein tynn stråle under kjøringa. Pestoen er ferdig når alt er fint blanda.

Ingrediensar til 4 porsjonar

700 g  torskefilet, utan skinn og bein 
1 stk  lauk 
1 fedd  kvitlauk 
1 stk  brokkoli 
2 stk  paprika, raud 
½  terning  grønsaksbuljong 
3 dl  vatn 
2 ss  olivenolje 
½ sitron 
4 ss  ramslaukpesto 
salt og pepar 
aluminiumsfolie 

Framgangsmåte

•  Sett steikeomnen på 200 °C.
•  Skjær torskefilet i serveringsstykke og dryss over litt salt og pepar.
•  Vask, reinsk og skjer lauk og kvitlauk i tynne skiver.
•  Vask og reinsk brokkoli og paprika.
•  Skjer brokkoli i små bukettar og paprika i bitar.
•  Løys opp buljongterningen i vatn.
•  Legg grønsakene over i ei smurt eldfast form.
•  Drypp olivenolje over grønsakene og hell i buljongen. Dryss over litt salt og pepar.
•  Legg torskestykka over grønsakene.         
•  Press sitronsaft over torskestykka og smør på ramslaukpesto.
•  Dekk forma med aluminiumsfolie.
•  Steik retten midt i steikeomnen i ca. 20 minutt eller til fisken er ferdig.

Server omnsbakt torsk med ris ved sida av.

Grilla 17.mai-laks med agurksalat

Våren er her med lovande solskinsdagar, nyutsprungen bjørk og kvitveisen blømer i bakkane. Laks er kanskje kvardagsleg, men av og til kan det vere tilbehøret og grillinga som løftar retten. I denne oppskrifta lagar du agurksalaten og potetsalaten frå botnen av og serverer det saman med den grilla laksen.

Mange har sikkert allereie starta grillsesongen, men i dag vert det tips om fisk på grillen. Når ein skal grille fisk direkte på grillen er det smart å behalde skinnet på, det gjer fisken lettare å handtere. Sørg alltid for å ha rein rist. Pensle fisken og rista med olje før du startar med å grille. Dersom fisken er marineret, bør du tørke den med kjøkkenpapir før du penslar den. Fiske må ligge på grillen i ca. to minutt, då får den steikskorpe og du unngår at den går i to når du snur den.

Nasjonaldagen er for mange ein kjekk og hektisk dag med nystrokne bunadsskjorter og  flagg, ungar som skal pyntast, barnetog som skal beundrast og god mat som skal etast. Dersom vêret held finnast den inga betre avslutting på dagen enn å legge laks på grillen. Hipp hurra for 17.mai!

17. MAI: Grilla 17.mai-laks med agurksalat. Foto: Norges Sjømatråd, Esten Borgos.

Ingrediensar til 4 porsjonar

700 g  laksefilet, med skinn 
2 stk  sitron 
2 ss  estragon 
olivenolje 
salt og pepar 

Agurksalat

1 stk  agurk 
1 ss  sukker 
1 ss  kvitvinseddik 
1 ss  olivenolje 
salt og pepar 

Potetsalat

600 g  potet 
5 stk  reddik 
1 stk  raudlauk 
2 ss  dill, frisk 
2 dl  spinat 
2 dl  lettrømme 
1 dl  majones 
3 ss  peparrot 

Framgangsmåte

• Skjær laksen i serveringsstykke, pensle med olivenolje og dryss med salt og pepar.
• Ha safta av sitron og estragon over laksen.
• Grill laksen med skinnsida ned i ca. 4 minutt, snu den og grill i 2 minutt på den andre sida.

Agurksalat

• Skjær agurk i tynne skiver, gjerne med ostehøvel.
• Rør sukker ut i kvitvinseddik, og bland med olivenolje.
• Smak til med salt og pepar, og bland med agurkskivene.

Potetsalat

• Kok potet møre i usalta vatn, avkjøl og skrell.
• Del poteten i mindre biter, skjær reddik i skiver, raudlauk i strimlar og hakk dill.
• Ha potet, reddik, raudlauk, dill og spinat saman i ein bolle. 
• Bland saman lettrømme, majones og riven peparrot, og smak til. 
• Ha sausen i bollen med grønsakene og bland godt saman.

Server grilla laks med agurksalat og potetsalat ved sidan av.

Omnsbakt klippfisk med potet- og persillerotpuré

Klippfisk er salta og tørka fisk, som helst vert produsert av torsk, men hyse, lange, brosme og sei kan også brukast. Den beste klippfisken lagast av norsk topp kvalitetstorsk er eit langt meir foredla produkt enn tørrfisk. Tørrfisk tørkast ute i vinden utan salt, medan klippfisk i dag tørkast innandørs og er tilsett store mengder salt.

Heilt fram til 1960 talet føregjekk tørkinga av klippfisk på svaberga eller klippane ute, derav namnet klippfisk. Klippfiskproduksjonen starta i stor stil på midten av 1700 talet i Kristiansund, men i dag er Ålesund den byen i Norge som produserer mest klippfisk. Klippfisk kan du i dag kjøpe heil, i serveringsbitar eller som loin (ryggstykke), tørr eller ferdig utvatna. Handlar du inn tørr klippfisk må du vatne den godt ut før du bruk. Loin er tjukke stykke og det krev gjerne to til tre dagar med utvatning før du skal lage til retten.

Klippfisk passar til mange smakar og denne retten er utrulig enkel å lage og med få råvarer. Etter ein søndagstur kan du prøve denne retten, med persille i sausen og persillerot i potetpureen eller stappa. Kominasjonen med moden, smakfull og litt salt klippfisk, fløyelsmjuk potetstappe og knasande sprø saus med finhakka lauk og persille/ramslauk som badar i olivenolje vil ta pusten frå deg!

GODT: Omnsbakt klippfisk med potet- og persillerotpurè. Foto: Norges Sjømatråd,
Synøve Dreyer.

Ingrediensar til 4 porsjoner

600 g  klippfisk, gjerne utvatna loin
2 ss  olivenolje
1 ss  sherryeddik 

Potet- og persillerotpuré

400 g  potet
1 stk  persillerot
1 ss  smør
1 dl  matfløyte
½ ts salt 

¼ ts pepar 

Saus

1 potte  persille, frisk eller ramslauk
1 stk  løk
1 dl  olivenolje
2 ss  sitronsaft
salt og pepar 

Framgangsmåte

• Sett steikeomnen på 180 °C.
• Skjer klippfisken i serveringsstykke og legg dei i en eldfast form med litt olje i botnen.
• Drypp olivenolje og sherryeddik over fisken og bak den midt i steikeomnen til den flakar seg, ca. 20 minutt.

Potet- og persillerotpuré

• Skrell potet og persillerot, skjer i skiver og kok dei møre i usalta vatn. 
• Sil kokevatnet frå og la grønsakene dampe godt frå seg. 
• Mos dei godt, og rør inn smør og matfløyte til ein jamn mos. 
• Smak til med salt og pepar.

Saus

• Finhakk persille og løk, og bland det samen med olivenolje og sitronsaft til sausen. 
• Smak den til med salt og pepar.

Tips: No om våren når du kan plukke ramslauk og det er ei nydelig erstatning for persillen i den grøne sausen. Ramslauk har ein mild kvitlauksliknande smak.

Sett stemninga med nydelig Bacalao på bordet

Bacalao på spansk eller bacalhau på portugisisk betyr rett fram torsk, men i den latinske verda er balalao eit meir omfattande omgrep og kan omsetjast med klippfiskrett. Bacalao finnast i mange variantar,  men er i hovudsak ein grytetrett med klippfisk, poteter, lauk , tomatpuré, paprika, olivenolje og spansk pepar.

Originalt kjem retten frå Portugal og tradisjonen fortel at det var fiskeoppkjøparar frå Baskerland i Spania som tok med seg retten til Kristiansund på 1800 -talet. Interessa for den salta og tørka klippfisken oppsto i middelalderen. Paven og hans kardinalar påla truande katolikkar å ete fisk i staden for kjøt. Spesielt gjaldt dette på langfredag, men også på påskeaftan, fordi det blei anset som lite fromt å meiske seg i kjøt under Jesu liding. Bacalao er derfor ein ekte påskerett.

Påska er høgtid og mange er enten på hytta eller heime og har vennelag eller familiefest. Når ein lagar mat til mange er denne oppskrifta ein garantert suksess. Den beste stemninga på kjøkenet får ein når ein lagar mat saman, enten som par, med vener eller at born og ungdom er med. Når matlaginga vert fordelt på alle som skal ete, kan ein få gode samtalar og betre vennskap på kjøpet. Her kjem mi beste oppskrift på Bacalao, ha ei god påske!

GOD STEMNING: Bacalao til mange. Foto: Norges Sjømatråd, Esten Borgos.

Ingrediensar til 6-8 porsjonar

1 kg klippfisk

12-14 poteter

4 store løk

2 paprika

2 fedd kvitlauk

6 ss olivenolje

2 boksar hermetiske tomatar (a 400 g)

1 boks tomatpuré (130 g)

3-4 dl vatn

¼ ts svart pepar

½ ts spanskpepar eller kajennepepar

Hakka persille

Framgangsmåte

Legg klippfisken i vatn i ca. 1 døgn, bytt vatn av og til. Fjern skinn og bein. Dette går lett om fisken får eit lite oppkok først. Skjer fisken i passe serveringstykker. Skrell potetene, reinsk lauken og paprikaen. Skjer potetene i ca. 1 cm tjukke skiver, lauken i ringar og paprikaen i strimlar. Finhakk kvitlauken. Slå oljen i ein stor tjukkbotna kjele og legg lagvis fisken, potetene, lauken, paprikaen, kvitlauken og kryddera. Legg i tomatane med krafta, rør tomatpurèen ut i vatnet og slå over. Gi bacalaoen eit oppkok og la den stå å trekke rett under kokepunktet under lok i ca. ein time. Rist på kjelen av og til, men ikkje rør i den. Smak bacalaoen til. Dryss hakka persille over og server saman med flatbrød eller loff.

«Fiesta con paella», eller fest med paella!

Paella er ein spansk nasjonalrett som består av kokt, ris som er tilsett safran og retten er ofte blanda med stykke frå både fugl og sjømat. Retten kjem frå Valencia og betyr direkte omsett steikepanne. Retten kan serverast i utallege variantar og er svært populær og i dag skal de få oppskrifta på paella med breiflabb og skaldyr.

Gulfargen i paella er lekker og den kjem frå krydderet safran. Safran består av arra frå safrankrokusen og for å produsere eit kilo safran krev det arr frå 70 000 krokusar som vert plukka og reinska for hand. Safran er eit av verdas mest kostbare krydder,  kiloprisen kan fort ligge på kr 50 000 -100 000, men ein får kjøpt nødvendig mengde til matlaging for kr 50.- på ein innvandrarbutikk.  Spania var ein største eksportørane av safran men i dag er det Iran som har verdsmarknaden. Safran vert hausta i to intensive veker i oktober/november og brukast i hovudsak som farge- og smakstilsetting i mat.

Har du selskap i helga eller vil by inn på gul påskemiddag, då passar denne paellaen med breiflabb, kamskjel og reker i perfekt. Vel gjerne ein god spansk vin til, for dette er eit spansk festmåltid i all si prakt!

SPANSK: Paella med breiflabb og skaldyr. Foto: Norges Sjømatråd, Synøve Dreyer.

 Ingrediensar til 4 porsjonar

400 g  breiflabbfilet 
20 stk  blåskjel 
8 stk  kamskjel 
100 g  reker, utan skall 
1 stk  lauk 
2 fedd  kvitløk 
1 ss  persille, frisk 
1 stk  paprika, raud 
1 stk  tomat 
4 ss  olivenolje 
3 dl  ris, langkorna 
6 dl  vann 
100 g  bønner, grøne 
100 g  erter, fryst 
1 ts  paprikapulver 
1 knivsodd  safran 
2 ts  salt 
1 ts  pepar  

Tilbehør
sitronbåtar  

Framgangsmåte 

• Skjær breiflabb i terningar. 
• Finhakk lauk, kvitlauk og persille.
• Skjer paprika i strimlar og tomat i terningar. 
• Fres lauk, kvitløk og persille i olivenolje til lauken er blank, ca. 2 minutt.
• Ha i ris, slå på vatn og la det koke i 10-12 minutt. 
• Tilsett blåskjel og la det koke i 3-4 minutt. Spe på med meir vatn om nødvendig.
• Ha i breiflabb, paprika, tomat, bønner, erter, paprikapulver, safran, salt og pepar, og la det småkoke til alt er mørt, ca. 5 minutt.
• Tilsett kamskjel det siste minuttet av koketida.
• Vend forsiktig inn rekene rett før servering.

Server paella rykande varm i ei vid steikepanne og pynt med sitronbåtar. 

Smak på knasande sprø torsketunger med tartarsaus

Det er framleis sesong for vinterfiske av skrei langs kysten vår og det betyr at det også er sesong for torsketunger. Når torsken er frakta til land og sløya, står store kasser med torskehovud på kaia ved fiskemottaka i Nord Norge. Torskehovuda er ein viktig ressurs og tungeskjerarane trer hovuda på ein pigg (sprikar) og skjer tunga og den kjøtfulle hakemuskelen av med ein sylskarp kniv.

Tungeskjering har lange tradisjonar og reknast som ein del av vår lokale kulturarv. Arbeidet er svært populært blant skuleungdom og barn heilt ned i 5 års alder er med på arbeidet. Dette er lovleg arbeid fordi det reknast som kulturelt barnearbeid. Mange barn og ungdom tener gode pengar i sesongen og meir om dette fenomenet kan du sjå i filmen «Tungeskjærerne» som hadde norgespremiere den 10.mars på kino. Dokumentaren skildrar eit spennande stykke av norsk fiskekultur og er ein vakker forteljing om venskap, ansvar og livet langs kysten.

Torsketungene veg ca. 30-40 gram og sjølve tunga er geléaktig, medan hakemuskelen ligg under og utgjer den største delen som er fastare. Sprøsteike torsketunger høyrer med til norsk tradisjonsmat og bør nytast i skreisesongen. Til denne oppskrifta servere du heimelaga, smakfull tartarsaus til dei sprøsteike torsketungene og gjerne mandelpotet til. Dette er rett og slett knasande godt!

SMAK: Knasande sprø torsketunger med tartarsaus.Foto: Norges Sjømatråd,
 Alf Børjesson. 

Ingrediensar til 4 porsjonar

300 g  torsketunge 1 stk  egg ¼ ts  salt 1 dl  griljermjøl 1 dl  olje  kajennepepar  salt 
2 ss  persille, frisk 
2 ss  sylteagurk 
1 ss  kapers 
1 ss  lauk 
100 g  majones 
2 ss  lake frå sylteagurk 
sukker 
salt og kvit pepar 

Tartarsaus

2 stk  egg 

Tilbehør

 sitron 

Framgangsmåte

• Skyl torsketungene og tørk dei med tørkepapir.
• Skil egg og pisk eggekvitane og salt til mjukt skum.
• Bland griljermjøl med salt og kajennepepar i ein tallerken.
• Vend torsketungene først i eggekvite, deretter i griljermjøl.Varm margarin/olje i steikepanna til den har god varme, og steik torsketungene til dei er gyldenbrune og gjennomsteikte.

Tartarsaus

• Kok egg hardkokt, avkjøl og grovhakk. 
• Finhakk persille, sylteagurk, kapers og lauk, og bland dette saman med egg.
• Tilsett majones og rør inn litt lake frå sylteagurk til du får ein tjukk, men smidig saus.
• Smak til med litt sukker, salt og kvit pepar.

Server torsketungene saman med tartarsaus, mandelpotet og pynt med sitronbåtar, kapers og persille.

Festmåltid med skreimølje med moderne vri

No er det sesong for fersk torsk med lever og rogn, eller mølje som dei seier nordpå og det er berre fantastisk godt. I dag vil eg dele oppskrifta Skreimølje med moderne vri.

Skrei er torsk, men ikkje all torsk er skrei. Skrei eller Gadus morhua  brukast om den nordarktiske torskestammen der 40 % gyt i Lofoten-område i februar til april, men skreien sitt gyteområde strekk seg heilt frå Sørøya i Finnmark til Mørekysten og heilt ned til Haugesund.

Kystbefolkninga sin klassiske måte å lage mølje på, er rett og slett fersk fisk med lever og rogn. Skreien er kjent for sin fantastiske kvalitet med muskuløst, fast, kvitt fiskekjøt og det passar dårlig å skjule den gode smaken med alt for mykje krydder eller andre konkurrerande smakar.

Modernisering i matvegen er likevel alltid spennande og med retten Skrei med moderne vri,  får skreien og rognskivene ligge på ein seng av spinat og saman med gulrotmostoppar. Levera kan du servere i ei skål ved sida av og kokte poteter er sjølvsagt til. Tenk at skrei finnast berre i Norge og at vi er så heldige som har tilgang på denne flotte råvara. Dette er eit festmåltid!

FESTMÅLTID: Skreimølje med moderne vri. Foto: Norges Sjømatråd, Synøve Dreyer.

Ingrediensar til 4 porsjonar

1 kg  skrei, skiver 
400 g  rogn, rå 
200 g  lever 
200 g  spinat 
1 fedd  kvitløk 
1 ss  smør 
salt 

Gulrotmos

4 stk  gulrot 
2 ss  smør 
1,5 dl  matfløyte 
salt og pepar 

Framgangsmåte

• Kok opp ei stor kasserolle med vatn og tilsett 3 ss salt per liter. 
• Ta kasserolla til side og legg i skreiskivene. 
• Sett den tilbake på plata og kok opp, trekk den til side, sett ned varmen og la fisken trekke i 6-7 minutt.
• Surr spinaten raskt i en steikepanne med pressa kvitløk og smør til den er mjuk.

Rogn

•  Kok opp nok vann til å dekke rogna og tilsett 1 ss salt per liter. 
• Vask rogna og pakk den godt inn i matpapir. Fest gjerne endane med strikk, slik at den ikkje går i oppløysing. 
• Legg den innpakka rogna i det kokande vatnet og la den trekkje i 20-30 minutt.

Gulrotmos

• Skrell gulrot, skjer i terningar og kok møre i usalta vatn.
• Sil av kokevatnet og mos gulrot saman med smør og matfløyte.
• Smak til med salt og pepar.

Lever

•  Rens lever for hinner og trådar, del den i biter og legg den i ei lita kasserolle. 
•  Når fisken er ferdigkokt, tek du eit par auser av kokevatnet og slå over levera. 
• Kok forsiktig opp og la den trekke i 2-3 minutt.